主頁 >  專家解碼 >  高蛋白質?希臘乳酪點樣揀?營養師教你睇呢一點!

高蛋白質?希臘乳酪點樣揀?營養師教你睇呢一點!

希臘式/希臘乳酪瘋魔全球,究竟有咩咁特別?咪就係蛋白質特別高,所以質地會幼滑啲稠身啲,仲會飽肚啲!

不過如果你揀得唔啱,分分鐘揀咗隻高脂肪低蛋白質嘅乳酪,仲要畀多左錢添!等我幫大家搵市面上嘅品牌嚟解釋一下啦!

Q1. 普通乳酪同希臘乳酪究竟有咩分別?

同普通乳酪相比,希臘乳酪/希臘式乳酪會用多啲奶,所以蛋白質通常會高大約一倍;一分錢一分貨,一般都會貴啲。

希臘乳酪 - Fage

Q2. 「希臘式乳酪」同「希臘乳酪」有咩分別?

暫時係香港就無法例去規定定義。但英國就規定只有喺希臘生產嘅先可以叫希臘乳酪(但有一隻Maple Hill Creamery 係美國製造又叫做希臘乳酪窩)。而係其他國家或有類似口感質地嘅乳酪,就叫希臘式乳酪。

其實傳統式嘅希臘乳酪係用全脂奶、忌廉同益生菌製造,所以相比起一般乳酪,蛋白質較高,但脂肪亦都較高。除非你特登選擇註明係低脂嘅希臘乳酪,咁就比較健康!(例子:Fage 0%)

希臘乳酪 - Emmi

而市面上有部份嘅希臘式乳酪,喺脫脂奶裏面再加入牛奶固體,所以蛋白質成分同希臘乳酪差唔多,而且仲要係低脂,比較適合關注心臟健康同控制體重嘅朋友。(例子:Emmi 0%

希臘乳酪

不過要小心,有啲希臘式乳酪只係加咗增稠劑(e.g. Pectin)而蛋白質並唔高。又或者使用全脂奶製造,脂肪高得嚟蛋白質又唔高。(例子:我只係影標籤解釋)

Q3. 點揀低脂肪高蛋白質嘅希臘/希臘式乳酪?

大家記住要睇標籤,唔理佢係希臘還是希臘式乳酪,認清楚每100克乳酪,有多於8克嘅蛋白質,而且低於3克嘅脂肪,先至係一個健康嘅低脂希臘式乳酪。

不過要公平講句,脂肪高啲一定滑啲香啲。有啲係稍為高脂肪而蛋白質依然豐富,我都列咗畀大家睇。但想增肌減脂,就最好揀啲低脂肪高蛋白質嘅乳酪啦!其實加埋啲水果一齊食就好好味架啦!

196次閱讀
最高瀏覽
熱門搜索
編輯精選
Loading
icon_facebook icon_whatsapp icon_line icon_mail icon_print