主頁 >  運動食療 >  【運動訓練】我想學__咁練呀!

【運動訓練】我想學__咁練呀!

cyrusip
編輯: cyrusip
日期: 2017-12-28

望下日曆,原來話咁快仲有一個月就跑渣馬,所以呢幾個星期都有朋友問起究竟一個月喺點可以練到唔洗上車嫁?

真心,唔上車應該唔難。不過,運動其實冇即食嘅,只喺有效同冇咁有效,所以有訓練果效大細嘅分別。記住,運動訓練其實喺一個等價交換嘅行為 (唔好問我點鍊成返個半月板)。

成果 = 時間 x 有效嘅訓練設計 x 認真訓練 + 有用嘅教練 (教練其實好重要!)

好,廢話唔多,朋友問上網睇咗個24個wk嘅program (常犯錯誤一),就咁問我可唔可以唔做前面16個weeks(常犯錯誤二),淨喺做8星期就喺去比賽啦 (其實你問得我自己都預咗唔得啦)。咁我喺解答下大家兩個常見、常犯嘅錯誤。

內容獲Sportentialhk授權轉載。
想睇更多運動健身資訊?
即上:http://sportentialhk.wordpress.com
http://www.facebook.com/sportential

錯誤一:上網就咁抄program嚟用

網上咩program都有,個個都話佢哋好有用(其實又錯唔哂),咁點揀好呢?

【睇多啲】雙腿好似摩打=跑得快?

其實由一開始個concept都錯啦,跟人program未必會有一樣成效,我拎到陳家豪、姚潔貞個program,都未必啱你啦。因為每個人強、弱甚至根基都唔同,好難有萬能key program,如果要自己set,都要好有經驗同埋知道自己嘅不足,先可以對症下藥!

錯誤二:Cut program

其實set得program都有佢一定嘅目的,由最common由易到難咁嚟講,你cut咗習慣同打底嘅時期,一嚟就做最harsh個組,你做到嘅姐喺根本唔啱你,做唔到嘅就練唔到嘢/整親,咁有咩為呢?

【睇多啲】容易忽視的傷患──後肌拉傷

最後,我想同我位朋友講(都可能喺你),唔只長跑,每種運動都有得練,達到理想喺要有好多factor一齊做好先得,咩都唔做就想要成績叫做妄想。

3895次閱讀
Loading
icon_facebook icon_whatsapp icon_line icon_mail icon_print