【營養陷阱】食茶記常餐 5招慳700卡路里

標籤: 叉燒 太陽蛋 奶茶 沙爹牛肉 火腿 炒蛋 營養師 腸仔 茶餐廳 註冊營養師謝詠瑩

【營養陷阱】食茶記常餐 5招慳700卡路里
2019-03-15 15:24:25
茶記常餐為不少港人所愛,註冊營養師謝詠瑩(Gloria)教大家做以下5個飲食小改變,就可以「節省」近700卡路里,相當於跑步兩小時的熱量!

1. 慳約350卡:沙嗲牛肉公仔麵轉做叉燒通粉/米粉
謝詠瑩表示,沙嗲醬含花生及油份,牛肉又會「走油」,增加脂肪含量。另外,1碗公仔麵約有440卡路里,若轉做通粉或米粉,同等份量下兩者的熱量分別只有220卡路里及210卡路里。

【睇多啲】勿以貌取飯!健康蒸飯伏味重!

2. 慳約135卡:炒蛋轉煎太陽蛋
雖然炒蛋及太陽蛋皆有下油煮,但謝詠瑩指太陽蛋只煎一面,用約2至3茶匙油,而炒蛋經反覆煎炒,甚至用更多油令其口感變滑,比煎太陽蛋使用多至少1湯匙油。若食肆使用全脂奶或忌廉炒蛋,則會添加更多卡路里。

3. 慳30-60卡:腸仔轉火腿
謝詠瑩解釋,腸仔含有較多肥膏,其脂肪含量比火腿高約10倍。她提醒,腸仔及火腿皆屬高鈉食物,已被世衛列為一級致癌物,這些精製肉類不宜食太多,偶然一星期吃一、兩次還可,若轉為雞蛋會更理想。

【睇多啲】 飲茶「一盅兩件」超肥!

4. 慳約108卡:多士走牛油(一湯匙牛油)

5. 慳約40卡:奶茶走糖(轉檸茶去糖再減多86卡)

資料及圖片提供:註冊營養師謝詠瑩
16533次閱讀