主頁 >  生活百科 >  抗癌勇士|患罕見癌「尤文氏肉瘤」 J2主持文頌男公院留醫5日找不出病因:冇錢就等死

抗癌勇士|患罕見癌「尤文氏肉瘤」 J2主持文頌男公院留醫5日找不出病因:冇錢就等死

Fion
編輯: Fion
日期: 2024-06-24

KOBA

現年29歲的J2《不正常愛情研究所》前主持文頌男(Koba),於去年10月確診患上「尤文氏肉瘤」,屬罕見病症。Koba之後全面停工和積極接受治療,並於去年底曾公開透露:「有一個6×6×4cm 咁大嘅惡性腫瘤喺我嘅椎間近盤骨附近嘅位置,因為壓住咗啲神經,所以行動唔方便同週(按:周)不時會劇痛。」

抗癌勇士|患罕見癌「尤文氏肉瘤」 J2主持文頌男突全身乏力咀嚼困難:冀望着總有一日一切會變好

一直積極抗癌的Koba,除早前已完成5次化療,亦共要接受28次電療療程,上月底表示已完成25次。

然而,Koba病情反覆,於本月17日在社交平台發表稱需要再次入院,並寫道:「其實由五日前開始都好唔舒服,一開始係好似有啲感冒嘅感覺,又會不停標冷汗,右上背無緣無故肌肉痛,條頸好似瞓捩頸咁,痛感一直扯到上去右邊頭部後尾枕,搞到持續頭痛。全身又有小小發軟、用唔到力,尋日仲發現食晚餐嘅時候咀嚼都冇力,舌頭右邊都好似用唔到力。右上背試過貼唔同嘅鎮痛藥膏、做按摩,但係都冇用,持續五日都係咁痛,啲痛楚搞到我咩姿勢都好唔舒服,瞓喺度又唔係,企喺度又唔係,坐喺度又唔係,瞓覺都好難瞓到。試過攞個頭撞卷廚房紙,好似好少少。最後真係頂唔順,叫咗救護車入醫院」。

抗癌勇士|患罕見癌「尤文氏肉瘤」 J2主持文頌男突全身乏力咀嚼困難:冀望着總有一日一切會變好

至21日再度發文,並表示:「我出咗院喇……入咗公立醫院住院呢五日,簡直係惡夢。」

Koba形容留醫期間感覺有如「坐監」,「痛到叫救命嘅時候,其實係唔會有人即時幫到你。我叫護士嚟,基本上佢哋係幫唔到我,最多都係開啲止痛藥畀我。仲要當我要求攞藥嘅時候,佢哋會同我講:『等多半個鐘啦,一陣佢哋會派藥。』我當時心諗:『你試下你劇痛嘅時候,搵到一個唯一應該能夠幫到你嘅人,然後佢叫你等多半個鐘,我仲要劇痛多一排,你諗下你係咩感受?仲要食完藥之後,我起碼要等多個半鐘之後啲藥先開始發揮作用。』」

Koba指,幸好有帶平時服用的止痛藥入院,「再瑟縮咗個半鐘先開始慢慢好啲」。

抗癌勇士|患罕見癌「尤文氏肉瘤」 J2主持文頌男突全身乏力咀嚼困難:冀望着總有一日一切會變好

Koba又提到,留院期間曾打算到樓下散步惟被拒絕,於是哀求負責護士終獲答應讓他散步15分鐘,可是後來卻被保安送返病房,讓他感覺「好似坐監咁,淨係可以喺間房入面瞓。其實我都係想等對腳可以活動下啫,唔使好似坐監咁呀嘛」。

找不出痛症原因

Koba自言,留院5日丫找不出「上右背痛、右頸痛、後尾枕右邊頭痛、咀嚼無力、右邊舌頭冇力嘅原因係乜嘢,都係畀張轉介信我出去照。喺公立入面,就算我出到聲要求,佢哋都唔肯幫我照下腦、頸、胸嘅MRI(因為MRI先係真正最能夠睇到啲地方係咪有問題),每隔一日先同我照一次X光同CT,根本睇唔到任何異樣。其實點解唔一次過一日照曬,要延長我喺醫院嘅痛苦呢?每一日我就期盼住醫生朝頭早嚟同我講報告,因為醫生每一日只係會嚟見我一次,結果佢淨係會問我『仲痛唔痛呀』、『依家有幾痛』、『有冇入嚟嗰陣咁痛』,淨係講兩句,仲好似趕住走咁,要靠我不斷追問。而喺我問嘅同時,佢就一路隻腳向住門口行,好似好唔想答我、好趕住走咁」。

KOBA

Koba明白公立醫院人手不足,但這次經歷都令他明白到不少人說過的「有錢就有得醫,冇錢就等死囉」,並指「我第一次聽到呢啲說話嘅時候,我係已經劇痛到瞓喺病床度覆診緊,而當時我係再一次畀個醫生拖我症,我嚴重到咁嘅時候,佢仲同我講,叫我兩三個禮拜先後再返嚟覆診再睇吓,我當時係已經覺得自己冇可能撐到多過兩日,然後我聽到呢句說話嘅時候,嗰啲眼淚係不自覺流出嚟,完全停唔到」。

他最後稱:「喺公立醫院嘅經歷充滿挑戰同痛苦,但呢啲經歷令我對自身有更深刻嘅反思同領悟,我明白到即使環境艱難、有好多不公嘅事情發生喺我身上,但我選擇保持樂觀同積極面對生活。雖然喺公立醫院住院係好唔愉快嘅經歷,但我唔會埋怨公立醫院,亦都感謝每一位醫護人員嘅付出。我希望公立醫院可以有改善得好嘅一日,令普通市民都可以得到最快捷最適切嘅治療。」

尤文氏肉瘤是甚麼?

尤文氏肉瘤(Ewing ssarcoma)是罕見的惡性腫瘤1,任何年齡組皆有可能發病2,然而兒童發病率高於成人。在美國每年約有200宗新增確診病例是兒童和青少年,而成年病例才僅20宗3

目前醫學界對於尤因肉瘤的確實病因未明,但病發跟細胞中的DNA發生變化有關2。尤因肉瘤常見於腿骨和骨盆,但也可能出現在任何骨骼部分。另始發於胸部、腹部、手臂或其他部位的尤因肉瘤則屬罕見2

Text:Fion

圖片來源(部分):文頌男(Koba)IG

6933次閱讀
Loading
icon_facebook icon_whatsapp icon_line icon_mail icon_print