香港前甲組女子排球員劉韵琳（Harriet）勇敢對抗癌魔多年，昨（9日）在社交平台發文，不幸地再患急性白血病，現正急需物色適合骨髓進行移植。消息一出，大批網友紛紛留言支持，人氣男團MIRROR成員Stanley（邱士縉）、曾患骨癌的羽毛球手林芷煖等亦有為她打氣。
據了解，Harriet指：「6年前既呢幾日，我被診斷患有CML『慢性骨髓性白血病』＝血癌，呢幾年每日都食住標靶藥去控制，好慶幸真係控制得好好，好似正常人一樣生活。」可是，至今年7月底，她「突然發燒，由於過去幾次驗血白血球都好低（1.0），安全起見都係去睇急症」，進行一連串檢查後「確診AML『急性骨髓性白血病』。初頭我以為係慢性轉左急性，但原來慢性一直都控制得好好，依家係CML+AML同時出現，醫生解釋係多左某幾組基因突變。」
Harriet續稱，急性骨髓性白血病相對需要急切既治療，所以已開始化療，而副作用伴隨出現，「一個星期瘦10磅不是夢」、「長期作嘔，要食嘢先嘔左上一餐嘅先，真係感覺到個胃底要翻出嚟先開心，但重點係根本食唔到嘢，飲嘅水都嘔曬出嚟，根本都唔敢食。」完成第一輪化療7日療程後，Harriet隔數天又開始發燒，「抽血檢查發現係有菌入血」，即刻接受手術將用來打藥、輸血、抽血的小管喉拆走，「頭4日發燒真係好辛苦，全部都係39度以上，打冷震到我全身好攰但係完全停唔到唔震，一震就維持兩三個鐘，真係意志力嘅考驗！另外，依家只要少少流血都會好緊張，因為根本癒合唔到，隔兩日就輸一次血。」
這位抗癌勇士呼籲，事出突然，但「真係好需要大家幫忙，想大家登記成為骨髓捐贈者，因為暫時都未搵到合適骨髓進行移植，所以醫生會嘗試係骨髓庫搵。我知道機會唔大，但都希望大家願意試一試，請大家幫幫我或者其他有需要嘅人，感激不盡！」
病患一旦確診患上白血病，醫生一般會建議採用的治療方法分別有化學療法、標靶治療、放射治療、生物治療，或骨髓或幹細胞移植，即先以抗癌藥物將體內病細胞完全消滅，再將獲捐贈的健康骨髓注入患者的血流內，讓健康的骨髓細胞在患者體內開始製造正常的血球細胞[1]。
Text：Fion圖片來源（部分）：劉韵琳
延伸閱讀
立即成為會員
