用家Queena坦言，在約兩年前就開始出現更年期症狀。「其實我仲有生理期，但我隱約覺得身體同以前唔同咗，陸續出現潮熱、夜晚盜汗、頭暈心悸、異常疲倦，仲有間歇性背痛。以上情況可以岀現每日10次，尤其下晝同夜晚最嚴重。半夜成日因為盜汗驚醒，成身濕淋淋，要起身換枕頭套同睡衣，睡眠斷斷續續，第二日超攰冇精神，脾氣都容易暴躁。連朋友約會我都唔想見面。」
直到今年初，症狀越來越嚴重，甚至影響到日常工作表現和生活。Queena終於「扚起心肝」求醫並接受檢查。「醫生建議我使用新一代非激素口服藥NK3受體拮抗劑，有助於改善潮熱盜汗（VMS）。大約服藥一星期左右，潮熱的症狀就明顯有改善！起效快，而且唔使擔心激素副作用，好安心，終於唔使再忍住忍住。」
Queena指，現在最開心是睡眠質素改善了，「之前夜晚因為出汗同潮熱會醒，而家瞓得好咗，唔會半夜扎醒，第二日精神體力都返晒嚟，成個人清爽晒。更年期唔係羞恥嘅事，唔使自己死捱硬撐！如果有潮熱、盜汗呢啲症狀，千祈唔好拖，及早求醫檢查，搵適合自己嘅治療方法。好好愛錫自己，唔好默默承受不適，身體舒服先可以活得輕鬆自在。」
健康網購
