小朋友動如脫兔，愛跳跳紮紮，少不免會增加撞瘀扭傷的機會。現年31歲、2012年度港姐冠軍張名雅（Carat），在網上分享與2歲的大仔Mario外遊時遇意外的經歷，指囝囝「一秒變曹星如」，原來Mario在酒店跳大床失足撞傷鼻，難怪她感慨說「養兒一百歲之長憂九十九」。
Carat分享家庭出遊的經歷，指Mario「去到酒店佢當然超興奮，又跑又跳。好啦。見到張大床就仲開心！因為可以係床度跳」，而且「好似跳彈床咁狂跳」，然而「越叫佢唔好，越跳得興奮，就喺嗰一刻巨響了一聲，Mario狂哭（不是平時的哭法）我從來未聽過佢哭到咁勁」。望見大仔的鼻腫了，Carat自己的眼淚也流下來，不知怎樣幫他，後來有急救人員幫Mario的傷口消毒、凍敷，她又擔心兒子弄傷鼻骨，但急救員估計沒有劇痛狂哭，應該未有傷及鼻骨。她補充：「第二日立刻返香港帶佢看左兩個醫生。而家過左咁耐鼻梁都有個小小疤痕，我會繼續勤力幫佢搽小童去疤膏。」
註冊中醫師邱宇鋒接受訪問時教路，「如果遇到意外撞傷，而無明顯開放傷口，基於患處裡面有機會有出血情況，加上疼痛，為免加劇腫痛，建議在初期應該用冷敷阻止繼續出血，不可熱敷，減少活動，並不可大力按摩傷處。如果紅腫熱痛強烈，可配合由金銀花、菊花煎煮的藥水冷洗傷處，清熱解毒，減輕不適。」待傷後三天左右，若患處沒有繼續腫脹，並開始有消退之象，此時中醫鼓勵暖敷，配合輕柔手法按摩，促進氣血運行，有助加快消腫祛瘀。邱宇鋒續說：「如瘀腫經久不退，中醫可配合田七、丹參等藥物內服幫助活血祛瘀。一般而言經過二至三周，便可復原。」圖片來源：張名雅、Baby Mario Choy FacbookText: Fion
延伸閱讀
立即成為會員
