主頁 >  生活百科 >  【主動脈剝離】消防員因大動脈撕裂致背部劇痛 照X光期間亡 急症科醫生:可無先兆

【主動脈剝離】消防員因大動脈撕裂致背部劇痛 照X光期間亡 急症科醫生:可無先兆

Fion
編輯: Fion
日期: 2020-09-23

台灣藝人黃鴻升(小鬼)上周於寓所離世,終年36歲,經解剖後,確認其死因為主動脈剝離造成血管阻塞。究竟甚麼是主動脈剝離?穿梭公私營急症室逾10多年的本港急症科專科醫生「長頸鹿醫生」,曾於個人平台分享遇過主動脈剝離個案,更指死亡率很高。

長頸鹿醫生指,一位年約40歲的消防員在打排球時,忽然感到背脊痛,動彈不得,血壓降至上壓95mmHg/下壓40mmHg,被緊急送入急症室,身型健碩的他更「痛到縮埋一舊」。這位消防員告知醫生,感到背脊上半部很痛,打波時沒有明顯撞倒或扭傷,亦沒有出現心口痛或氣喘。消防員接受完臨床檢查、心電圖等,醫生亦沒有特別發現,於是便安排病人照X光入院做詳細檢查,豈料消防員於照X光期間逝世。

長頸鹿醫生寫道:「通常呢啲情況,差得咁快,都係同心血管尤其是大動脈嘅情況有關……」由於病人突然死亡,加上個案在急症室內搶救無效死亡,通常都會轉交至死因庭研判。後來法醫解剖後,判研該消防員死於大動脈撕裂(aortic dissection,或稱主動脈剝離)。

「我自己就好怕睇呢類症。我相信唔少急症室醫生都好驚呢類症。」他又以身體的血管比喻成紙飲管作解釋,這飲管的牆壁用三層紙做成,動脈撕裂即夾硬把這三層紙「片」撕開,這情況是在體內發生,外面沒法阻止的。

他直言「你可以想像到有幾恐怖嘅痛楚」,「可以有得解(通常因為高血壓),亦可以無得解。可以無先兆,可以無樣睇,可以話嚟就嚟。後生又得老又得。運動健將都得。」

長頸鹿醫生又指,此病死亡率高,一半人未送到急症室已去世,撕裂得嚴重的話,「啲血走晒入條罅隙度困住咗,嚴重嘅就唔夠血去平常嘅地方,又或者血塊頂住會透唔到氣等」,另一半捱到入急症室,又可能有一半因趕不及做手術或手術中途死亡,形容極少數人可以出院。

儘管如今科技進步,他稱仍然難以診斷出大動脈撕裂,有不少個案上病房的初步診斷仍然是背脊痛,而急症室有很多人因背脊痛來求醫,也不可能將所有病例,都懷疑是大動脈撕裂而收入院。

長頸鹿醫生形容這類症對急症室醫生來說是一大挑戰。「當你真係好叻喺急症室已經正確診斷到,都唔代表救到病人。上病房,睇心胸外科心臟科多一轉,再book手術房,call晒最大最老經驗嘅醫生趕返嚟,點都要時間。都仲未計喺我職業生涯中,會唔會有啲case 我以為係背脊痛,放咗返屋企, 然後轉個頭喺街訓底咗跟著死咗喺第二間醫院我唔知?我答唔到你。係有可能發生的。」

由於情況往往都是緊急突發,他指很多時會演變到「斷錯症」 ,「延誤診治」 的爭拗,故希望借分享讓大眾多了解這類症,以及醫生的工作日常。

Text:Fion
文章來源:問問Dr Friend - 長頸鹿醫生fb專頁授權轉載
延伸閱讀:

9806次閱讀
Loading
icon_facebook icon_whatsapp icon_line icon_mail icon_print