主頁 >  專家解碼 >  打邊爐怕高脂高嘌呤? 推介兩款低脂邊爐湯底

打邊爐怕高脂高嘌呤? 推介兩款低脂邊爐湯底

天氣轉冷,寒風刺骨之時最好打邊爐,暖胃又暖身。除咗要小心選擇食材之外,準備一個健康又美味嘅湯底亦都好緊要!

香港人喜愛嘅豬骨、麻辣、沙嗲等湯底,脂肪和熱量極高,尤其係麻辣鍋,熱量比一般湯底高10至20倍!用肉類或骨頭熬製而成的湯底,除了高油份外,嘌呤含量亦非常高,痛風或尿酸高人士不宜食用。

就算唔係痛風患者或病人,高溫久煮嘅濃湯,會產生致癌嘅亞硝酸鹽,是有機會致癌的。

以下呢兩款低脂湯底,各有不同嘅健康美顏功效,大家不妨試試:

低脂邊爐湯底|1. 《芋絲味噌湯》

材料:海帶2茶匙、水250毫升、芋絲20扎。

調味料:芝麻油1茶匙、味噌2茶匙。

做法:2茶匙味噌開水攪拌,加入已熟芋絲及海帶,最後加入麻油即可。

功效:味噌有豐富酵素,更有益生菌可改善腸胃健康,另外芋絲可提高纖維量,熱量亦非常低,適合減肥人士食用。

低脂邊爐湯底|2. 《羅宋湯》

材料:番茄3個、洋蔥1個、椰菜半個、薯仔1個、中型紅蘿蔔1條。

做法:所有材料以中火煮20分鐘至大滾便可食用。

功效:湯底含有多種營養素如番茄紅素、維他命 C、胡蘿蔔素、鉀質、鎂質、纖維等。其中,番茄經高溫加熱,釋出的抗氧化物番茄紅素含量更會增加,有抗氧化作用。

 


📣📣📣 如你也想成為《專家解碼》的一分子,與healthyD讀者分享健康心得,或是有志於推廣公共健康教育的醫生或醫護界專業人士,歡迎電郵至healthyD@esdlife.com與編輯部聯絡。

3206次閱讀
Loading
icon_facebook icon_whatsapp icon_line icon_mail icon_print