立即成為會員【運動訓練】膞頭系──請小心你對翼！
講緊你對雞翼骨，即係肩胛骨（Scapular）。點解要提防佢？因為正常情況下，佢喺上肢嘅好朋友，兩個會好有節奏咁一齊行動，叫做肩關節節奏（Scapuohumeral Rhythm）。呢個節奏，令到大家可以順暢地舉手發問（誤）。但當佢地嘈架時，節奏就會亂咗，叫做肩胛運動障礙 （Scapular Dyskinesis）。而當不協調發生，而大家都仲想舉手問問題時，你個肩胛骨就會出現唔同程度嘅失控，嚴重者會出現隻翼（Winged Scapular）。膞頭殺手如果你發現你嘅膞頭都正在嘈架，恭喜你，你又高左風險受傷啦！我哋逆向睇睇，有報告指出：‧68%有旋轉肌（Rotator Cuffs）問題病人，又或者；‧94%有肩關節軟骨（Glenohumeral Labral）問題病人，又或者；‧100%肩關節不穩定（Shoulder Instability）病人同時間都會有肩胛運動障礙。我相信唔少運動人，只要運動涉及上肢，都唔會對上述問題陌生。而呢啲問題，除左令大家痛之外，仲會舉唔高手，無力，肩膞不穩定，嚴重者需要做手術。
2200次閱讀
